JAKINTZA IKASTOLA ORDIZIA LEHEN HEZKUNTZA

Nire asmoa prozesu hau aurkeztea bazen ere, bere konplexutasuna dela medio, nik erabili dudan tutoriala (”http://www.webreference.com/programming/image_map/”) besterik es dizuet eskainiko. Oso nekatuta bukatu dut lan hau eta erakusteko gogo handiak ditudan bitartean, izugarrizko lana eskatzen du eta agortuta nago. Beste batean, egin dudan guztia pausoz-pauso azalduko dizuedala zin dagizuet.

Orain, goza ezazue argazki honek eskaintzen duenarekin. Sagua argazkiaren gainean jartzearekin, aurpegi guztien gainean lauki garden bat agertzen da eta aurpegien gainean jartzen baduzue, horri buruzko informazio osagarria agertzen da argazkiaren behealdean. Sistema honek aplikazio handiak izan ditzake hezkuntzan, baina prestakuntzak eskatzen duen denboragatik ez dut uste oso praktikoa denik. Hori bai, argazki honetan 21 pertsona daude eta, normalean, irudien mapak 5 edo 6 elementuekin bakarrik egin ohi dira.

Erabili dudan argazkia da Urrezko Q-a Gasteizen jaso genuen egunekoa.
Zuen iruzkinen zain.

Jakintza Ikastolako irakasleak Q-a jaso ondoren

Joxemi Amondarain - DBHO - Filosofia

Orain atseden txiki bat eman diogun arren, baratzean lan eta lan omen dabil. Bejondeizula!!!

Jokin Lakalle - DBHO - Fisika

IKTero nagusi honek ez du atsedenik hartzen eta beti berrikuntzen bila dihardu.

Bixen Mujika - DBH - Gizarte arloa

Ikasle eta irakasle askoren bigarren ama. Aspaldi honetan “erreta” ibili bada ere, ez du bere goxotasuna galdu.

Antton Amundarain - DBH - Euskara

Euskaltzaindiak behar duena Jakintza Ikastolan daukagu. Euskalzale amorratua, Euskaraz Bizi Proiektuaren sustatzailea …

Marijose Otegi - DBHO - Biologia

Denbora asko laborategian igaro arren, ingurunea du gogoko. Kontsumoa murrizteko aholku bikainak beti prest.

Miriam Calvo - HH - IKT taldekoa

Aurten, 3 urtekoekin dago eta lan bikaina burutzen ari da. IKT taldeko partaide “iheskorra”.

Aitziber Albisu - Orientazio Zerbitzua

Aramatar gazte lirain eta jator honek ikasle eta irakasle guztiak txundituta ditu. Gainera, soinujole bikaina eta ikastolako jaialdietan beti jotzeko prest.

Nikolas Zeberio - Mantentze lanen arduraduna

Bertsolari aparta, jale bikaina eta fotokopiadora guztien erregea. Hala ere, 5S prozesua barneratzen nahiko lan.

Koro Irastorza - DBHO - Historia eta Koordinatzailea

Bakunin-en jarraitzaile birziklatua. “Ama de llaves” bezala aritzea da gehien atsegin zaiona.

Mari Cruz Largo - Zuzendari Administraria

Diru kontuekin berriketa gutxi!!! Zorrotza bezain goxoa eta Lehendakaria maiteminduta uzteko gaitasun frogatuta.

Mikele Iztueta - LH - 3. Zikloa

Langile amorratua. Perfekzioaren bila dabil eta beti azalatik haratago begira.

Saioa Ugarteburu - LH - 2. Zikloa

Mariajeren ordezkapena BIKAIN batez gainditu duen Ezkiotarra. Bere irifar goxoak harapatu gaitu.

Manu Olano - Zuzendari pedagogikoa

Altzotik iritsitako gazte hura, bere heldutasunera iritsita, duenaren hoberena ematen ari da. Kontsentsuzale amorratua eta borondate ezberdinak biltzen dakiena.

Mikel Etxarri - LH - Koordinatzailea

Kirolzale ohia. Orain gehien mugitzen dituen muskuluak eskumuturrekoak dira. Egun osoa ordenagailuari itsatsita pasatzen du.

Blanka Mujika - DBH - Euskara

Itsasondotar Ordiziarra bihurtuta. Saltsa guztietako perrexila eta geldi egoten asmatzen ez duenetakoa.

Julene Fernandez - Orientatzailea

Bizkaiatik iritsi eta urte mordoa gure artean igaro arren, hango hizkera galdu ez duena. Joxemiren ondoan, bilobak dira bere zaletasunik handiena.

Nekane Azurmendi - HH - Koordinatzailea

“Oktanaje” handiko andereñoa. Mantala jantzi bezain pronto, “super” baino hobeto funtzionatzen du.

Ainhitze Etxeberria - LH - 2. Zikloa

Ekialdetik iritsi zaion haize freskoak zuria bihurtu du lehenago beltza zena. 5Sen erregina zorrotza bezain langilea

Ana Altuna - Musika

Irurtzungo Beethoven. Ile kizkur, bihotz handi, bizkar biguna. Afari guztietako animatzailea.

Marian Iturrioz - LH - 1. Zikloa

Ikastolako alkatesa. Bihotz handiko euskalzale sutsua eta langile amorratua.

Maite Goñi - DBHO - Euskara

“La gran esperanza blanca” batailatu dute. IKT taldeko ardi galdua. Eguna “etiketen” artean pasatzen du (informatikakoak zein modakoak).

Technorati Etiketak:

ORDIZIA, INFORMATIKA, CSS