JAKINTZA IKASTOLA ORDIZIA LEHEN HEZKUNTZA :: May

Txakurra eta katua batera etxean

Bazen behin familia berezi bat, 7 kide zituena; ama Dolores, aita Pernando, amona Joxepa, alaba Tamara, beste alaba Samara, semea Moxolo eta azkenik zakurra Lolo. Bai, bai, familia honek animaliak ere kidetzat hartu zituen. Arazoa da familia honi 7 kide izateak zoritxarra ekartzen ziela, eta orduan erabaki zuten beste kide bat erostea. Handik bost ordutara, animali dendara joan ziren, dendan sartu eta:
- Arratxanpinon! Familiko zortzigarren kidea erostera gatoz-aitak.
-Zortzigarren kidea?-galdetu zuen dendariak harriturik.
- Bai, bai, zortzigarren kidea. Zer eskaini diezagukezu?
-Denda honetan animaliak saltzen ditugu; txakurrak, katuak, hamsterrak, untxiak, dortokak…
-Ongi! Ikusiko ditugu guztiak banan- banan, eta oraintxe bertan esango dizugu zer nahi dugun.
Familiak 2 ordu eman zituen ze kide erosi jakin ezinik. Baina bat batean:
-Guau, guau!!!-txakurrak katu bat erosi nahi zuen.
Familiako buruak, beraien txakur Lolo, katu baten kaiolaren gainean ikusi zuen, beraz katu bat erostea izango zela onena erabaki zuten.
-Erabaki dugu!-esan zuen Doloresek.
-Zer eramango duzue?-galdetu zuen dendariak.
-Hor txokoan dagoen katu beltz hori nahi dugu, eta kaiola ere bai!-erantzun zion Doloresek pozez zoratzen.
Familia poz pozik etxera itzuli zen katu beltz harekin, eta Lola izena jarri zioten. Handik aste batera, txakurra eta katua, txakurra eta katua baino okerrago eramaten ziren. Egun batean, txakurrak katuari larruazala kendu zion eta katuak ordainetan, jostorratzarekin sudurrean hirugarren zuloa egin zion. Horrelako mila astakeri egin zituzten, baita okeragoak ere! Bost hilabete igaro ondoren, Lolo eta Lola Irlandara joan ziren familiarekin eta han amodiozko istorio bat bizi zuten. Azkenik 10 uma eduki eta18 kide izan ziren, eta ala bazan eta ez bazan sar dadila familia honen kalabazan.

Mikel Etxarri Sarasola

Bere izena Mikel Etxarri da eta 1961an jaio zen. Tolosaldeko borda batean bizi da eta Jakintzako irakaslea da gaur egun.

1-Nola moldatu zinen Ordiziako web-orria egiteko?

Ordu asko sartu nituen. Hasieran gune batean sartu ginen, baina gaizki zegoenez aldatu egin genuen, orain dagoen lekuan jende asko sartzen da.

2-Zenbat denbora pasatu zenuen web-a egiteko?

Ordu asko eta batez ere gauza berriak bilatuz web-a aberatsa izateko. Hainbat egunetan 8- 10 ordu.

3-Zure usteez web-a ondo erabiltzen al dute-dugu?

Nahiko ongi baina, gauza batzuk hobetu behar ditugu. Denbora aurrera joanda, gauza gehiago landu ahala, sakontzen dugunean, geroz eta hobeto ibiliko gara.

4-Horrelako beste web-a sortu nahi al duzu?

Nahi ez. Badauzkat une honetan web honetaz gain beste batzuk eta lanez gainezka nabil.

5-Gure ikastetxeko zuzendaria bazina, zer asignatura kenduko zenuke? Eta zer jarri?

Ez naiz zuzendaria LH-ko koordinatzailea baizik. Ez nuen ezer kenduko baina ordu banaketak aldatuko nituzke. Baina hau ez da pertsona baten iritziarekin aldatzen, guztion kontsentsua behar da.

6-Gure ikastola honetatik zer kenduko zenuke? Eta zer jarri?
Gauza asko kenduko nituzke: Ikasleek lurrera botatzen dituzten zaborrak, lan egiteko gogo falta… Eta txukuntasuna jarriko nuke , giro alaiagoa eta jatorragoa, ikasle eta gurasoek euskaraz egiten…
7- Zein da esan duzun azken gezurra?
NBA-n jokatu nuela. Magic deitzen didatenez, asko gustatzen zait ikasle txikiekin gezur txiki hori botatzea.
8-Ze kirol da zure gustokoena?
Denak, baina ikusteko, une honetan, atletismoa eta jokatzeko pilota, futbola eta saskibaloia.
9-Gogorra al da saskibaloiko entrenatzailea izatea?
Urte askotan izan naiz eta oso gogorra da, asko sufritzen delako. Ordiziarekin urte asko egon nintzen bigarren mailan. Lan asko egin beharra zegoen.
10-Zein izan zen partidurik emozionantena?
Asko, baina bereziki, ez ditut ahaztuko Askatuaren kontra ezta ere Caja Bilbao eta baita Baskonia B-eren aurka irabazitakoak.