JOXE MIGEL IZTUETA KORTAJARENA

Joxe Migel Iztueta Kortajarena, Lazkao Txiki izango zena Lazkao herrian, Lazkaomendi auzoan, Abaliñe baserrian jaio zen 1926ko irailaren 15ean. Bere gurasoak Felipe eta Maria Inazia izan ziren. Zazpi senideetatik bera azken aurrekoa izan zen.

EZAUGARRIAK

Zortzi urterekin hasten da eskolan, gerra aurre hartan, Lazkaomendin bertan, ikasketa guztiak euskaraz eginez. 1936an, anai arteko guda sortu zen. Hurrena Lazkaoko eskolara joaten hasi zen, baina han erdara zen nagusi.

San Prudentzio baselizaren aurrean hartu zuen parte lehenengo aldiz jendaurreko saio baten 1943an, Saiburu eta Basarri zituela bertso lagun.

1947an, Afrikara joan zen soldadu.

LANA

17 urterekin igeltserotzan hasten da lanean Lazkaon Oiarbide Urteaga izan zuela nagusi. Urteagaren ondoren, Jose Antonio Intxausti izan zuen nagusi.

1958an Lazkaoko Fundiciones Arriaran lantokian hasi zen lanean eta 9urte geroago lana uzten du.1964an, Iruñako Cometa etxeko pentsuak saltzen hasten da eta 9 urtez haritu zen lan honetan.

Ondoren, Zaldibiako Gurutzeta baserria erosten dute Sebastián Sarasolak eta Lazkao Txikik eta txerri eta ganadua hazten hasten dira.

1986an ordea, Gurutzeta baserriaren jabe bakarra bihurtzen da.

BERTSOLARI BIZIA

Gipuzkoako bertsolari txapelketan txapeldun izan zen 1964an eta hurrengo urtean berriz, bigarren geratu zen Uztapideren atzetik.

1976an, omenaldi bero bat eskaini zitzaion Donostian eta 1993ko urtarrilean kantatuç zuen azken bertsoa.

Basarri, Zepai, Uztapide, Mitxelena, Xalbador, Amuriza, Mattin eta beste hainbesterekin kantatu zuen. Mattinekin bikotea osatuz gatza eta piperra jarri zien bertso saioei.

HERIOTZA

Donostiako poliklinikan ebakuntza bat egin behar zioten eta han anestesistari esan zion:- ZUK JARRIKO NAUZU LOTAN BAINA ESNATZEKO NORK JARRIKO DIT DESPERTADOREA? -eta horiek izan ziren Joxe Migel Iztueta Kortajarenaren azken hitzak ebakuntza horretatik ez baitzen inoiz esnatu.

Eta azpiko bideoan ikus dezakezue ETBk eman zituen marrazki bizidunetako sarreratxoa