JAKINTZA IKASTOLA ORDIZIA LEHEN HEZKUNTZA

Ikastolen Elkarteak bultzatuta, aurten argitaratu berri dute txosten bat non ikasleek Lehen Hezkuntzaren amaieran lortu beharko lituzketen IKT konpetentziak zehazten diren. Oso lan interesgarria iruditzen zaigu eta guztiok jakinaren gainean egon gaitezen hemen argitaratzea erabaki dugu.

Lan horren egileetako bat gure ikastolako irakasle bat da eta, beharbada, hurrengo batetan berari galdetu beharko dizkiogu txosten horren inguruko xehetasun guztiak. Baina hori beste baterako utzi beharko dugu.

Hemen zehaztutako konpetentzien lorpenerako, jarduera sorta interesgarria ekoiztu dituzte 3. ziklokoentzat eta eskura daude Txanela izenko webgunean.

Aspalditik ez genuen blog hau eguneratzen, baina nik uste dut ordua iritsi dela berriro astindu bat emateko.

Hemendik aurrera, blog honetan, gure ikastolako Lehen Hezkuntzan burutzen ditugun IKT jardueren berri emango dugu..

Jarduera horiek ilustratzen eta prozesu osoa azaltzen ahaleginduko gara.

Gaur, “hasiera” emateko, LH 4. mailako ikasleak, saio arrunt batetan, Acer Ultraeramangarriekin eta bestelako baliabideekin gelan lanean ikusiko ditugu beheko argazkietan. A ze poza 26 ikasle horiek Ubuntu erabiltzen ikustea!!!

Guk sortu ditugu ariketa hauek. Zuk, zergatik ez?

Ea Ordiziako eraikin garrantzitsu hauek osatzen dituzun. Eraikin bakoitzarekin azalpen txiki bat jarri dizuegu hobeto identifikatu ahal izateko.

Ea denak osatzea lortzen duzun!!!

Ordiziako baserri zahar bat da eta Mozaraben estiloko elementu ugari ditu.

Eraikin honetan Karlisten Zirkulua zegoen

Gure ikastolako gela batzuk eraikin honetan egon ziren hainbat urtetan

Ordiziako Haur Danborradak geldiune bat egiten du etxe honen aurrean

Etxe honetan osasunarentzat kaltegarria den produktu bat eta aberasteko balio duen beste bat saltzen dute

Etxe honetan bizi izan nintzen bordara joan aurretik

Askotan egin didazuen galdera bat da hori.

Bada, DigiZen izeneko blog batean bideo hau aurkitu dut eta, ingelesez dagoen arren, hemen jartzea erabaki dut oso ongi ulertzen baita. Gainera, zuek nik baino askoz hobeto ulertuko duzue.

Orain arte ikasi duzuena eta hemen ikusiko duzuena oso lagungarria egingo zaizue. Disfrutatu eta jarraitu RSSa erabiltzen.

Eta hona hemen beste bideo bat beste hizkuntza batean. Ea hau ulertzen duzuen.